今晚日本對巴西，巴西已穩奪出線權，今晚一定唔會同你搏盡，以免有球員受傷，下盤可以小敲。
日本雖然只得1負1和，但演出唔錯，頭場對澳洲以體力化踢法去應付對手，但去到比賽尾段，日本隊體力耗盡，俾澳洲追番3球。吸收咗呢次經驗，第二輪對克羅地亞時，明顯懂得收放，表現有進步，結果都頂到成場。
今屆日本後防進步咗好多，就算今場有宮本恆靖停賽，對佢哋後防都有信心。日本要出線16強，今晚一定要贏，同時澳洲要輸波。
即場投注可作套戥
巴西頭兩場唔知點解走晒樣，我哋啲客席主持毓民見到大哨嘅表現都鬧唔停口。巴西呢隊走線專家已經出硬線，為免有球員受傷，一定唔會畀咁多主力出場。而且呢段世界盃期間，我發覺最好玩嘅係即場投注，見到唔對可買番對手多少套戥，好多爆冷嘅波都好彩有即場投注而救番唔少人，大家不妨留意一吓。
球彩台《06世界Bar》主持Wendy
PHONE波熱線：1831678
PHONE波電郵：[email protected]
開放時間：8:00pm至5:30am