向來敢言又叠水嘅哥頓胡，為咗佢喺灣仔船街嘅心血酒店計劃，早前就放棄咗城大校董會主席職位，而原任副主席嘅鍾瑞明，噚日就獲城大委任做校董會主席，任期為一年，接替阿哥頓。
講到叠水，鍾瑞明就好明顯同哥頓差一段距離。講公職，鍾生𠵱家做緊房委會財務委員會小組主席，同前任校董會主席胡應湘、再上任校董會主席兼前任廣播事務管理局主席梁乃鵬嘅銜頭都差一大截。
八方好奇怪，點解城大要搵鍾生做主席？啊，原來當初哥頓劈炮唔撈，按照城大校董會嘅條例規定，就好自然由副主席頂上，所以已經喺城大校董會服務咗逾8年、04年起出任校董會副主席嘅鍾瑞明，就喺毋須競爭嘅情況之下，自自然然咁做咗個臨時主席，頂任一年。
傳真︰2623-9278
電郵︰[email protected]