中村英壽：日本對巴西，日本surewin！我哋大和民族最叻就係青出於藍，從古到今都係，日本贏1:0同埋「細」係首選。
招積域：你又發緊夢，巴西今屆分組賽表現雖然係自90年以來最差，但又未至於要輸畀個學生啩？上場見柳澤敦寧願通派迪高沙大細，都射唔入空門，就知日本有幾勁，唔好話贏，就算入一球都唔可能，所以巴西乃「是日鋼W」是也。
中村英壽：巴西嘅問題在於太多星，唔識靈活走位，企喺度踢咪容易防守囉，對澳洲差啲贏唔到，所以日本嘅紀律可補不足，隨時爆個7.5倍冷W。
侍仔：今晚兩組4場賽事，領先嘅球隊和波可以出線，做咩唔整條全和4串1呢？我就揀咗啦，乘埋有成200倍。
菠蘿文：食懵你呀？捷克同加納只要分別贏意大利同美國就可以出線16強，梗係搏到盡㗎啦，話唔定佢地兩隊就咁夾意大利出局，一於捷克W串加納W，有6.8倍㗎，再補2場開入球「大」。
招積域：澳洲嗰場買W算數啦，克羅地亞前鋒嘅把握力好成疑問，不論奧歷定係卡斯歷，上場嘅表現真係好鬼差，今場對住力創奇迹嘅澳洲，無運行，一於博澳洲小勝1:0。
侍仔：講吓又係喎！澳洲上場踢緊迫奏效之餘，又打起信心，相信日後對強隊都係用呢招，捧澳洲「和」，再加2:1波膽。
高洛文