巴西前鋒朗拿度無態可謂公開嘅秘密，只係教練彭利拿一直信任佢可回復佳態，但係日前連隊友都忍唔住出聲，齊齊轟炸「大哨」累人累物。卡卡第一個企出嚟講，話「大哨」喺度會拖慢球隊節奏；阿祖安奴連隨加入戰團，話𠵱家仲好懷念當年打洲際國家盃同羅賓奴合作嘅日子，實行暗示希望換拍檔咁話。𠵱家連隊友都唔撐「大哨」，都怪佢私生活唔檢點之過！