德國人強調「Qualityoflife」，一般規定星期日為休息日，不論打工仔還是開舖的也會休息1天，作為辛苦6日的補償；而享受家庭樂或去旅行，都係佢哋會做嘅事。
佢哋對呢樣嘢好重視㗎！記得有一個細個教我中文嘅老師，有日佢喺家庭日做家務，俾鄰居見到，結果就係咁俾人鬧，仲話要報警㖭！因為嗰位鄰居認為星期日要休息，就連家務都唔應該做。至於我呢？細個星期日最多同屋企人食雪糕，再唔係就煮飯仔。
德國嘅店舖喺世盃期間都會延長服務時間，真係一個「奇景」嚟㗎！另一方面都顯示到佢哋為咗世盃，連星期日休息傳統都放棄嘅誠意。話說回頭，我雖然喺德國長大，但我始終鍾意好似香港咁樣，星期日可以去玩吓，唔使喺德國一到星期日就被迫要休息。
袁彩雲
無綫世界盃直擊主持