李嘉欣近日與尚未跟何超瓊正式離婚的許晉亨蜜運中，原來在命理學來看，36歲的嘉欣今年開始踏入生命中桃花最旺最強的5年，堪輿學家麥玲玲昨日說：「李嘉欣命格屬金，有嘅都係不正常姻緣，即係對年紀相差比較大或細起碼10年會比較適合。李嘉欣出生於農曆5月，屬火旺嘅季節，桃花亦較旺，雖然佢好容易陷入三角關係，但係識嘅男人都會有錢有背景。」
對於嘉欣經常以第三者姿態出現，麥玲玲指與她的命格有關，雖然過去10年難免會碰上三角關係，但未來5年將遇到好姻緣，追求者眾，絕對有望結婚。至於許晉亨會否成為嘉欣的真命天子，麥玲玲說：「李嘉欣面尖尖，比較適合佢嘅，會係好似劉鑾雄咁肥肥哋、面圓圓，而許晉亨下巴有少少兜，面相學嚟講相信未必係佢。」