千里達就喺禮拜二完成咗第1次世界盃之旅，贏得掌聲出局，雖敗猶榮；而可一不可再嘅大哥約基賽後就眼濕濕，向支持者告別，搞到一把年紀嘅判官都好感動，差啲喊埋出嚟！約基今次都算一世仔，最初連佢自己都打算退出國家隊，點知俾教練比赫加力邀出山，先至參加世界盃，仲由前鋒轉打自由中場，以球隊利益為依歸，絕對抵讚，判官都要向你致敬！