臨近7．1，煲呔成個人都神經緊張起嚟，加上中央領導賈主席要嚟查房，佢梗唔可以俾啲人作反。而每逢7．1前夕，政府都會公布授勳名單，據聞老董今年好大機會攞大紫荊，唔知係咪表揚佢去年為咗大局及時退下，畀香港有轉運機會呢？
回歸咗咁多年，有資歷、有年紀攞大紫荊嘅差唔多全部有晒，淨係得老董冇攞，因為佢以前唔可以頒畀自己，政圈盛傳今年終於輪到老董。但至於邊幾個仲有就難估啲，有人估范太甚至阿石可能有機會喎！
另外，煲呔趁風季及雨季來臨前，噚日喺運輸署署長黃志光同副署長劉家強嘅陪同下參觀緊急事故交通協調中心，睇吓佢哋有冇做好充份準備。
傳真︰2623-9278
電郵︰[email protected]