近日有報道指鄭伊健與舊愛邵美琪復合，鄭伊健雖然已否認，但其好友陳小春就形容此消息是天大喜訊，伊健昨日拍攝外景時直指小春造新聞博宣傳，並說但凡有關他的事可以問小春，小春會為他發言，因小春才是他的經理人。
鄭伊健、周麗淇、馮德倫、張智霖、狄龍及吳嘉龍等，昨日在西貢香港遊艇會拍攝新片《天行者》外景，電影公司特別借了艘價值數千萬的豪華遊艇拍攝，擁有小遊艇的伊健面對如此豪華的大遊艇即笑說：「我想朋友有大遊艇多啲，間中借嚟玩已經夠，或者我要識個上市公司主席嘅女，不過都係講笑啫！」
度新招追女
問到伊健若然想追求上市公司主席的女兒，相信一定要出新招數才行，就如日前有人在報章刊登全版廣告，署名「TheOne」祝賀與李嘉欣洋名相同的女子Michele生日快樂。
伊健對此揚言不會重複別人舊橋來追求異性，他說：「人哋用過啲舊橋，我唔會做，如果係我就揸架車去撞個女仔架車，再送紮玫瑰畀佢，到時點只全版，A1（港聞頭版）都出到啦！」
對有報道指他與邵美琪復合，伊健以一句「唔使講啦！」來否認傳聞。但陳小春日前就指若兩人復合的話是天大喜訊，伊健即說：「幾好呀！識得造新聞，幫到朋友又幫到自己。」
投訴馮德倫
問伊健是否懷疑小春博宣傳？伊健竟然玩踢爆說：「唔係懷疑，佢真係博宣傳，做藝人係需要宣傳，一舉兩得，𠵱家我又提到佢，有乜嘢事咪等小春回應囉！佢會幫我講㗎喇，佢先係我經理人嘛。」
此外，周麗淇與馮德倫在新片中有接吻戲，周麗淇對此有投訴，她說：「我未試過同有鬚嘅男人kiss，我俾佢啲鬚拮親。」
採訪：魯萍
攝影：葉君海
