森保達、尼維特一齊效力祖雲達斯多年，成日一齊沿左路去波，而且又屬少說話多做事一族，據講好老友。不過，意大利同捷克大戰當前，正所謂各為其主冇面畀，森保達批評尼維特近年擅長扮嘢博犯規，警告對方咪喺今場「插水」。講開森保達，佢又向國內傳媒開火，話隊波贏完加納後被捧為冠軍，和咗美國之後就被講到就出局咁嘅款，覺得好離譜咁話喎。