全城投入世界盃，圈中有不少女星亦熱愛足球，歌星戴夢夢更自發組成一隊女子明星足球隊，成員有鄧穎芝、梁靖琪（Toby）及陳苑淇等歌星，不過戴夢夢前晚大爆圈中有女歌手，曾表明想參與女子明星足球隊，不過落場費要收16萬，令她覺得荒謬，嫌疑人物更直指衞蘭與曾與夢夢傳不和的薛凱琪。
戴夢夢前晚在將軍澳電視廣播城出席節目《頂CUP世界盃晚晚有德FUN》擔任嘉賓，她大爆圈中有女藝人透過朋友，向她表示欲加入女子明星足球隊，不過落場費卻開價16萬。
「出過碟，有啲名氣」
戴夢夢一直拒絕透露誰是真兇，只說：「總之出過碟，有啲名氣。」出道一兩年又曾出碟的女歌手並不多，記者追問此人可是穿上脷環的歌手（圈中只得衞蘭是有穿脷環的），夢夢不置可否只笑嘻嘻說：「我冇講過啲乜嘢。」再問是否官恩娜，她即說：「唔係，因為𠵱家都有同佢傾緊入球隊嘅事。」那麼又可是曾同她傳不和的薛凱琪（Fiona），夢夢先停頓一會然後說：「唔好咁講，我哋冇事。」衞蘭與薛凱琪頓成嫌疑人士。
夢夢表示組織女子明星足球隊只為一班人可以一齊玩兼做善事，她說：「出場踢波都要畀16萬？佢當自己係球星呀，仲要係新人，唔可以因為錢而加入，我哋加入都唔係為錢，我講件事出嚟係想畀個女artist自己反省。」
衞蘭所屬的amusic唱片公司高層王凱文，就此事透過電話回應說：「冇人接觸過衞蘭、衞詩參加球賽，完全冇發生過呢件事，亦冇收過任何邀請喎。」問王凱文會否擔心衞蘭被誤為嫌疑犯？他說：「唔擔心，都冇呢件事，又冇開名，人哋亂估啫。」
Fiona唔識踢波
去年初戴夢夢曾譏諷Fiona為雙面人，指對方在台後當她隱形，台前則與她傾偈，故兩人曾有不和前科，對於戴夢夢再爆新進女歌手落場踢波價獅子開大口，令Fiona驟成嫌疑犯，Fiona所屬的華納唱片公司宣傳部則回應：「全公司冇人聽過有人要搵Fiona參加球賽，我哋深信一定唔係講薛凱琪，因為佢根本唔識踢波，講明係做慈善嘅話，更加冇可能收錢。」
採訪：王連連
攝影：陳順禎
