唔知係咪今屆世盃可以合法賭波，坊間出現咗好多唔同嘅方法，幫班球迷分析邊隊最有冠軍相喎，等佢哋可以有多個投注方向。而預測方法可謂五花百門，占卜塔羅牌、風水命理樣樣出齊。
最近連證券行銀行都一齊湊下熱鬧，好似瑞士銀行集團咁，分析員利用經濟興衰的周期波動，再糅合球隊的世界排名及歷史往績等，設計一條方程式，推測冠軍誰屬咁話。其實咁樣都好㗎，橫掂近排股市交投比較淡靜，佢哋咁樣唔單止增加曝光率，順便做埋免費宣傳，何樂而不為呢。
不過佢哋分析，來來去去都係巴西、意大利呢類熱門，冇咩新意，你唔悶我都悶啦！我覺得佢哋應該將每隊波當股票咁樣分析，利用佢哋嘅專業知識，分析邊一隻有升值潛力，邊一隻就唔好掂，話唔定可以開創一條新客源㖭！
彭浩翔
電影導演