健康菜營養豐富
「菓一道」主打健康菜，餐廳鍾意用白肉或海鮮配新鮮蔬果入饌，個人最鍾意青木瓜菠菜海斑魚卷配紅菜汁薯茸（$68），爽口嘅青木瓜高纖、鮮甜嘅菠菜含豐富鐵質，將兩者釀入魚卷，配搭新鮮。
菓一道健康餐廳（31677683）
地址：銅鑼灣波斯富街99號利舞臺廣場7樓A舖
咕嚕肉可以搭雜果
「住家菜」新開分店繼續熱賣溫馨家庭Feel菜式。咪以為咕嚕肉只可以配菠蘿咁獨孤一味，餐廳會根據唔同時令加入唔同當造鮮果，一味雜果咕嚕肉（套餐$48）有齊紅提子、車厘茄、士多啤梨等水果，好味！
住家菜（31050339）
地址：銅鑼灣波斯富街99號利舞臺廣場7樓C舖
靚到唔捨得食
「海逸軒」菜式食得仲睇得，玉蝶香芒牛柳粒（$98）簡直係味覺視覺雙重享受！用青紅蘋果做蝴蝶身，芒果、士多啤梨加牛柳做翼，睇賣相已經靚到唔捨得食啦。
海逸軒（21852788）
地址：北角英皇道665號海逸酒店3樓
