澳洲中場基維爾上場對巴西成日「冤住」球證梅克，喺度口噏噏唔知講乜，仲要手指指咁，賽後先知原來佢侮辱緊梅克，不過國際足協話唔會罰基維爾停賽。基維爾果然行慣江湖人面廣，連澳洲總理霍華德都出嚟撐佢話佢係無辜。霍華德喺電台被問及基維爾應唔應該罰停賽，總理就話：「No!No!No!」仲話球賽期間佢乜都睇唔到喎。好！做總理做到咁，正呀！