馬世民敏感時間增持

馬世民敏感時間增持

睇聯交所資料,長實同和黃獨立非執董馬世民喺6月16日,以每股82.45元買入長實4.7萬股,再以每股69.85元購入5.5萬股和黃,共涉及771.69萬元,噚日計要輸少少,股民應該點理解「內幕」人士嘅舉動呢?華華都好難講,可能係好消息。增持後馬世民有長實7.4萬股及和黃14.2萬股,共值近千六萬。
千六萬對馬世民嚟講好濕碎,買幾萬股長實和黃亦唔係大新聞,不過超人二公子隻8號仔俾人郁,出手者話係澳洲幫麥格里,咁啱馬世民以前係二公子太傅,現在就係麥格里要員,加埋今番增持,令人有好多想像空間。