香港人愛名牌，尤其係日本及歐美嘅名牌；中環嘅行政人員，好多成身Armani，咁內地嘅行政人員又點呢？原來佢哋都係最鍾意着Armani；不過佢哋最鍾意飲嘅酒係五糧液，呢樣就有排都唔可以同國際接軌。
GlobalSources旗下嘅《世界經理人雜誌》，噚日公布咗個「中國十大商務品牌」調查，睇吓內地經理人最鍾意同埋最多買嘅產品及服務，係啲乜嘢牌子。
出版人裴克為話，呢個調查上年都做過，結果只有北京大學光華管理學院成為唯一一個中國品牌入選，今年就好唔同，有成４個咁多（見表），其中桌面電腦方面，內地品牌聯想成為中國經理人最崇尚的三大品牌之首，贏咗戴爾（Dell）同埋蘋果㖭。似乎內地經理人愈嚟愈撐本土品牌，亦可以話內地企業愈嚟愈追得上國際水平囉。
李華華
