周麗淇和馮德倫前晚在尖沙嘴拍攝新片《天行者》，戲中兩人演一對情侶，馮德倫扮演江湖中人，周麗淇後來更遭他拋棄。
馮德倫在戲中的派頭十足，他前晚獲安排駕駛波子到場，並有兩名跟班緊隨其後，現場有女影迷認出馮德倫拍戲，都即時拿出相機拍照。
玩魔術自娛
周麗淇表示前晚要通宵開戲，她說：「戲中我同馮德倫係一對，但唔知佢係黑社會大佬，我唔會過問佢啲嘢，戲中我會俾佢飛，最後變得歇斯底里，不過現實生活就未試過呢啲嘢，但會問吓男友嘅行程，都係互相分享啫。」
由於周麗淇和馮德倫要捱夜，故會玩魔術自娛，消磨時間，周麗淇說：「我玩啤牌，佢玩銀仔，我嗰啲係遊戲，佢就真係有花款。」
採訪、攝影：王崇穎、馬建華