火車上的頑皮孖寶
唔知係咪外國人一向開放關係，就連教小朋友都採取開放態度，任由細路仔自由發揮。試過一次坐火車，對面座位有對兄弟，呢對孖寶真係曳到無人有，全程搞我部相機同電腦，最慘就係攞支蘋果汁擺上枱，仲要開埋個蓋，好似準備淋落我啲器材咁款。坐喺我隔籬嘅係呢對孖寶嘅老竇，竟然可以一句聲都唔出，我惟有買佢怕，搬過另一個位坐。
李勇明
曾採訪世界盃、歐洲國家盃、奧運、亞運等大賽，身經百戰。
啤酒雜飲平過水
平時在德國街頭店舖買水飲，1支0.5公升的水動輒2.2歐元，每天飲水4支，已經用去了87港元；不少人寧願買啤酒飲，有時價錢還要比水便宜。或者另一選擇，是街邊檔的水果雜飲，細杯由1歐元幾到大杯的3歐元，可惜兒童不宜，不懂喝酒的也享受不到這種地道的飲料，因為每款不同顏色的雜飲內還加了酒精，徹底配合德國酒都的精神。
徐嘉華
採訪過無數大賽，最鍾意捐窿捐罅搵題材，今次德國之行啱晒我。
南韓球迷，佩服！
本對南韓人感覺一般，直至呢一晚南韓對法國，見到南韓球迷嗰種對球隊支持嘅投入程度，真係要拎起支筆寫個「服」字。最佩服佢哋嘅體能，同球員都差無幾，全場跳動擺手擺腳加埋大聲唱歌，就連坐喺我隔籬一對專誠入場捧法國嘅德國夫婦，都被感染到同南韓球迷yeah埋一份！亦令我很期待今屆會出現英格蘭對南韓呢個戲碼。
朱冠恆
肩負現場直擊畀料重任，無論你當我名家抑或明燈，都希望交到功課。
