汪禹前日投訴話上個月向演藝人協會尋求經濟援助，點知被拒絕，演協會長曾志偉已經解釋咗，話因為覺得汪禹仲有工作能力。噚日汪禹好勞氣，話自己兩個月前開刀做心臟手術，仲揭開件衫畀馮仁昭睇，又帶埋醫生紙同覆診紀錄，證明佢真係有病。汪禹話只係想協會幫佢搵工，仲叫大家唔好再用有色眼鏡睇佢喎。