何韻詩前晚在尖沙嘴任「StarFactorChampion」兒童節開幕表演嘉賓，阿詩表示喜歡小朋友，但怕血不敢生BB，或會考慮領養。阿詩又指自己曾學鋼琴及芭蕾舞，但周身刀冇張利，笑言將來山窮水盡的時候，或會考慮公開九歲時真空上陣穿芭蕾舞衣的照片。
由何鴻章大媳婦何苗春暉成立的KidsGallery，前晚於尖沙嘴文化中心舉辦為期一星期、獲名牌Dior贊助的「StarFactorChampion」兒童節活動，不少兒童參與表演，馬詩慧及郭錦恩等任評判，何韻詩則任表演嘉賓，演唱新歌。
練功夫屁股痛
一身Dior服裝出現的阿詩，指自己因忙於排練下月舉行的一個騷，近期勤練功夫如踢腿等，引致屁股十分痛，她說：「好彩我都算有少少功夫底，細個時乜嘢課外活動都參加，但係就周身刀冇張利，我學過一個月鋼琴，又學過跳芭蕾舞同空手道，最近又心思思想學大提琴，型吖嘛。」
阿詩續說：「不過我細個着芭蕾舞衫嘅相，自己睇番都覺得核突，嗰陣我得九歲，仲係真空嘅㖭，呢輯相我收得好埋，或者留番山窮水盡嘅時候都會拎出嚟嘅。」阿詩又表示很喜歡小朋友，但因為怕血不敢生BB，她說：「加拿大啲人好興領養小朋友嘅，或者我都考慮領養番一個啦。」
此外，馬詩慧前晚帶同三子女出席活動，女兒亭亭玉立，又有演出經驗，問馬詩慧有否考慮數年後讓乖女參選港姐？她說：「佢已經係我哋屋企嘅MissHK啦，人哋有人哋參選嘅理由，不過作為一個媽咪，我就唔想自己個女參選啦。」
採訪：JessicaNgan、RebeccaFok
攝影：ChanShunChing
