在兩支傳統勁旅阿根廷及荷蘭不負眾望，穩奪出線權後，C組已不再是「死亡之組」。雖然兩隊今晚硬碰，戲碼十足，不過可能卡士唔夠勁！兩隊今晚預料收起大量正選，有牌在身主將會休息陣先。
阿根廷兩位正印前鋒基斯普同沙維奧拿，好大機會都被收起，不過佢哋班副選都唔遜色，好似泰維斯、柏拉斯奧、美斯等都好勁，根本唔需要替教練比格文擔心。阿根廷今屆三線實力平均之餘，最大優點係夠穩定，合作性強。整隊講求默契，絕無個人主義，呢點亦係我最欣賞。
荷蘭進攻板斧有限
相反，荷蘭前兩場賽事當中，可以睇到佢哋板斧有限，經常只靠兩翼側擊及個人突破，容易被對方捉到路。再者，今仗有傳大部份主力雲邦賀斯、希汀加、雲邦美及高古等人都會被收起，試問又點同阿根廷撼呢？
要落注嘅朋友，不妨睇準時機先下注，今場阿根廷荷蘭大鬥法，我力撐讓平/半嘅阿根廷，半個盤博一個盤，上盤值捧。
球彩台《06世界BAR》主持Rita
PHONE波熱線：1831678
PHONE波電郵：[email protected]
開放時間：8:00pm至5:30pm