煲呔早前開咗聲，話9月前要開個經濟高峯會，研究吓十一．五規劃同香港邊緣化問題。但係講到𠵱家，都仲未有聲氣，真係擔心香港被邊緣化嘅人，就等到蚊瞓都未知會講乜。
不嬲都好支持政府嘅新論壇，今次都唔幫煲呔，覺得政府搞十一．五真係做得唔好；有口話賓架喺QDII問題上顧住打哥芙唔做嘢，咁政府自己喺十一．五問題上又做過啲乜吖？
新論壇今次好鬼勇，決定截煲呔糊，聯同國家行政學院同京港學術交流中心搞十一．五研習班，歡迎有興趣人士參加，齊齊喺今個月25至28日上到北京，同國家高級官員一齊上堂學嘢。
據知至今已經有成近40人報名，大部份都係專業團體領導人，事關呢班人係邊緣化下最受影響嘅一群。新論壇召集人馬逢國會做團長，浸大校長吳清輝會做顧問，想參加嘅就打去28101144問問啦。
爆料熱線：29290000、27860099
報料傳真：26239278
報料電郵：[email protected]