球迷對巴西嘅要求零舍高，呢支5屆世盃冠軍喺小組兩戰全勝，都俾傳媒彈佢哋表現差，冇乜悅目足球睇。巴西嘅「細哨」對呢啲報道一笑置之，仲好寸咁話佢哋個個都係「弗馬」，就算將陣中嘅球員分成3隊，是但1隊出嚟踢都可以捧走冠軍。我判官知你哋巴閉，不過「細哨」好似唔係好識計數，23個球員除以3，每隊頂多得7至8個人，你估打緊7人賽咩？