本屆14位候選香港先生昨日聯同上屆冠軍高鈞賢與另一港男鄭健樂（Rocky），在灣仔拍宣傳片，無綫更請來鍾麗淇教導一班大男人玩瑜伽，當鍾麗淇教Rocky做一個高難度的動作時，差點兒走光，半邊胸幾乎跌出來，幸好未有失守。眾港男在跟着鍾麗淇做瑜伽動作時，各人都有板有眼，沒有失禮。
高鈞賢圖衞冕
鍾麗淇表示稍後會擔任眾港男的導師，她說：「我都係第一次同班港男見面，我知道有七個港男係比較瘦，有七個就好大隻，我希望佢哋全部都跟我學瑜伽，唔係大隻就代表需要做瑜伽。」
而高鈞賢將會與今屆勝出者再度比試，問他有沒有信心衞冕？高鈞賢說：「都有信心嘅。」再問他覺得誰是勁敵？高鈞賢謂：「個個都好平均，希望我今年比賽嘅時候，觀眾會覺得我大個仔咗，到時我可能會表演跳舞同彈琴，我仲會練大隻啲，唔好咁瘦。」
採訪、攝影：胡比
