王晶（右）監製嘅《臥虎》已經拍完，不過日前有內地報道話呢部戲喺香港拍攝外景期間，因題材涉及黑幫，導演王光利喺酒店內收到幾次恐嚇電話，搞到佢換咗三間酒店。𠵱家部戲拍完，王光利返咗北京避鋒頭。噚日同王晶講起呢件事，佢話冇聽過，佢相信係流料，因部戲由開拍到拍完都好順利，冇聽過有任何人俾人恐嚇。