世界盃分組賽最夜成3點先開波，你我都係勤力嘅員工，好應該放棄唔睇嘅！錄起佢翻睇又如何？場波踢咗係事實，好難避免聽到身邊左鄰右里講起戰果，咁樣再睇番都冇晒意思啦！唔使咁灰，介紹FIFA今屆世盃中文官方網站畀你，噚晚踢完，第二朝起身已經有得睇返入球重播，慳時間又精采！除咗入球片段畀齊你睇外，仲有大把相片等你過目；當中好多係賽事以外嘅相片，例如性感女球迷、瘋狂Fans一身國家隊打扮等，認真係球場內外都咁Funny。至於想了解多啲歷屆世盃資料嘅朋友，更加要到此網瀏覽，碧根鮑華同柏天尼等緊你Click嚟睇。
網址︰fifaworldcup.yahoo.com/06/cn/
記者：陸俊雄