唔經唔覺分組賽打到最後一輪，同組賽事會同一時間舉行，今日先上演A、B組賽事，變相一日就有4場波玩，嚟到呢啲場合，戰意已經凌駕實力，球迷刨波都應該先考慮戰意因素。
睇番今日4場初盤，有1場主客和賠率最特別，就係瑞典對英格蘭，個和波只得2.8倍，呢啲通常只有意甲、法甲先出現嘅賠率。原因好簡單，就係和波對雙方都有利，英格蘭攞1分就肯定首名出線，瑞典攞1分就肯定出線，各取所需。球迷唔善忘都記得上屆歐國盃，瑞典對丹麥只要打成2:2就可以雙雙出線，搞到莊家將個2:2波膽大幅度調低至4倍，結果真係順利開出。小弟唔係認為世界盃有打假波，只係當一場波由開賽一刻，個戰果已經對自己球隊有利，球員為咩仲要搏，不如留力應付次輪淘汰賽好過啦！今仗順應莊家開盤，揀個和局，加埋雙方都有顧慮，1.57倍入球細都係過關膽。
A組方面，基本上大局已定，德國同厄瓜多爾雙雙出線，德國今場要贏波先可以首名出線，所以德國W低開至1.4倍；講真你要爭首名時，厄瓜多爾何嘗唔想保住不敗。1.4倍咁乏味，小弟就唔博，相反同組另一場哥斯達黎加對波蘭就可以玩吓入球大。
波蘭為破蛋吼1.8倍「大」
波蘭話晒外圍賽都力迫過英格蘭，又話有幾十萬球迷遠道而來到德國打氣，結果首兩場輸晒提早出局外，仲連波都冇入過，今次最後機會，點都要好好睇睇打番場漂亮足球。中美洲嘅哥斯達黎加，打法都維持積極進攻，上場對厄瓜多爾輸到0:2時，都不斷進攻希望破蛋，今仗雙方冇心理包袱，入球大更壓到只得1.8倍，絕對玩得過。
文：牽牛