塞黑上場狂吞阿根廷6隻蛋，老實講真係幾瘀，見班球員輸咗幾球波之後懶懶閒，好似俾人數都冇乜所謂咁。結果搞到塞黑足總扯晒火，話明邊位球員下場對科特迪瓦唔盡力踢，隨時要罰錢！就連每個球員應得嘅世盃獎金（約9萬歐元）都要充公！我判官都好明「輸波唔好輸尊嚴」呢條道理，不過呢個「柯打」咁有壓力，一個唔覺意有球員擺烏龍，唔通要坐監咩？