阿根廷行家好波!
之前被編入死亡C組嘅阿根廷，估唔到輕鬆兩連勝提早出線。球隊有好成績，連帶隨軍記者都開心埋一份。球隊操練時，幾位阿根廷記者竟然技癢，喺場邊圍圈踢波。
旺角場舉行嘅本地波間中都有呢個情況，幾位行家喺中場休息時，都會攞個波出嚟踢下。不過講到腳法，當然唔及呢班阿根廷行家，唔通國際排名同記者腳法都有關係？
李勇明
曾採訪世界盃、歐洲國家盃、奧運、亞運等大賽，身經百戰。
街頭表演人情味濃
德國這裏的街頭默劇或藝能表演多的是，途人駐足觀看在所難免；更難得是他們看完後真的會給錢。圖中一大堆小朋友，當表演者（紅衫男子）表演完畢後，急不及待跑上前，你猜是做甚麼？不是要鬧着與小丑表演者玩，而是拿着金錢打賞給小丑，極有人情味。人家大熱天時，着住紅色露臍上衣、及膝短褲大玩雜技，無非是想餬口，若看完後拍拍屁股走人有點那個吧！
徐嘉華
採訪過無數大賽，最鍾意捐窿捐罅搵題材，今次德國之行啱晒我。
攝影記者好吸引
能夠採訪世界盃，大開眼界嘅除咗有機會目睹世界各大強豪球隊正面交鋒之外，觀摩來自各地記者採訪手法及作風，亦有唔少得着。眾多類型記者當中，攝影記者就最吸引我，每次去到某個場合，例如入場觀賽，都希望搵到個位，正正坐喺一堆攝影記者群後面。留意住佢哋每一種專業式拍攝手法，以及取景概念，有時覺得仲好睇過戲。
朱冠恆
肩負現場直擊畀料重任，無論你當我名家抑或明燈，都希望交到功課。
