今日A、B組都分別上演分組賽最後1場賽事，發夢都估唔到厄瓜多爾仍然暫列A組榜首，今場小組一二位之爭，次名好大機會16強對英格蘭。雖然首名出線看似輕鬆一點，但問題是8強好大機會遇上阿根廷，如果我係奇連士文嘅話，我唔會太強求，事實英格蘭都可能唔攞小組首名避你呢，讓球主客和我揀個厄瓜多爾不敗，取「主勝」。
波蘭狠讓半球可追
同組另1場巴拉圭對千里達，千里達首戰和咗瑞典，𠵱家有1分在手，照計死數仍然有希望出線，所以今仗狂攻對手係必然嘅事，到最後就算輸咗都問心無愧；咁嘅情況之下，點都要都要保番個入球大。
A組賽事哥斯達尼加對波蘭呢場基本上比賽意義唔大，對於兩隊肯定出唔到線嘅球隊嚟講，呢場係榮譽之戰，立博較為看好波蘭，亞洲盤狠讓至半球低水可追。同時希望兩支失意軍互碰合演一場入球大戰，娛樂觀眾。
瑞典小勝賠率偏熱
無論站在英格蘭球迷定係八卦嘅角度，相信都等咗英格蘭對瑞典呢場波好耐，究竟艾歷臣會唔會放水畀瑞典呢？立博就畀咗1個答案我，瑞典小勝1:0的波膽賠率居然只得6倍！其實當然要睇埋之前德國攞到A組首名定次名嚟走線，但點樣都好，兩隊都一定唔會點攻，所以細波最穩陣！
謝利
立博亞洲區首席博彩顧問
精通各大聯賽，分析獨特，文章可見於各大媒體，足球貼士界的一顆新彗星。