謝天華日前拍攝新劇時，以日本至潮的「Lolita」造型現身中環街頭。戴上假髮、剃掉腿毛及以42F胸圍裝假胸的他，在街上擺出跳脫的姿勢走路，造型爆笑，吸引不少街坊駐足觀看，又被途人稱讚靚女，但謝天華卻尷尬得打冷震。
謝天華和鄧萃雯日前在中環拍攝無綫新劇《師奶兵團》，二人飾演夫妻，劇情講述謝天華晚上化濃妝扮女人，被雯女撞破。當日謝天華以Lolitalook上陣，誇張造型令人為之側目，吸引真正的師奶圍觀。為免濃妝溶化，謝天華未埋位時盡量留在車廂歎冷氣休息。
假胸常走位
謝天華為了令造型更逼真，索性剃掉腳毛，又模仿女性的舉動，他說：「原本公司安排我扮梅艷芳嘅壞女孩，但我覺得要緊貼潮流，所以提議扮Lolita，由於要着白色絲襪，我驚啲腳毛現出嚟，所以剃咗啲腳毛，仲戴咗42F胸圍再墊好多嘢，我𠵱家深深體會到女仔夏天嘅感受，就係唞氣好辛苦，心口俾嘢壓住咁。」拍攝時，謝天華的假胸經常走位，惟有自己托胸，舉止惹笑，連自己也忍俊不禁，還笑言：「我一路行一路打冷震。」
尷尬話核突
其間有途人欲上前跟謝天華合照，又讚他扮女仔好靚，謝天華即尷尬地說：「咁核突，唔好影啦。」而雯女則對謝天華的造型非常滿意，她說：「驚佢太靚搶我鏡，我見到佢着咗底衫先戴bra，我話畀佢知bra並唔係咁戴，不過佢都扮得好似，可能個人同條腿夠瘦。」當記者要求二人合照時，謝天華立刻繞着雯女手臂，十足十真女人一樣。
採訪：卓寶花 攝影：陳慧安
