日本第2場分組賽最後同克羅地亞互交白卷，教頭薛高對球隊贏唔到克軍當然失望，仲話球隊又1次喺炎熱高溫下比賽，連續兩場如是，球員能夠打足全場已經相當好，又唔明賽會點樣編賽程。其實賽程編排同電視直播有關，下午開波係日本時間晚上10時，肯定有好多觀眾睇直播，所以編喺「早場」都冇計。估唔到薛高同法國杜明尼治一樣，贏唔到波就姓賴。