阿根廷球王馬勒當拿去到邊都要挑戰下當地法例嘅！上周六佢就因為超速駕駛，俾德國警方捉到正罰款95歐元（約930港元），本來條馬路只係行時速80公里，佢大爺就開到時速140公里。都唔知係咪當地馬路特別好行，個差佬話當地超速駕駛好平常喎。我判官覺得除路面好行外，馬勒當拿亦好可能係睇完阿根廷大勝塞黑6:0場波，心情太興奮而超速啫。