少林功夫醒……
德國嘅星期日全國休息，只有巿中心旅遊區少數商店開門營業，世界盃都唔例外。不過，德國人放假都會出街，因為有另外一種娛樂畀佢哋享受。
街頭表演喺歐洲好普遍，有人扮蠟像、有人吹喇叭、有人跳hip-hop，應有盡有。不過，有樣表演我唔係咁欣賞，就係洋人打中國功夫；好有「少林功夫醒……好好嘢」嘅搞笑feel。
李勇明
曾採訪世界盃、歐洲國家盃、奧運、亞運等大賽，身經百戰。
乾淨用錢買回來
1.1歐元（約10港元）去1次廁所，實在太貴；但不得不讚是德國人打理公眾洗手間真有一套。看這間收費廁所，乾淨得無話可說。廁板夠乾爽外，地板亦光潔如新，可惜卻要收費。德國大部份的廁所外，都有收費阿嬸看着，通常是賣廁紙；老麥的如是、FIFA球迷睇波場內的流動廁所如是。德國的乾淨像是用錢買回來的。
徐嘉華
採訪過無數大賽，最鍾意捐窿捐罅搵題材，今次德國之行啱晒我。
尋找「沙翁」的故事
「沙翁」，唔係英國嘅莎士比亞，只不過係一嚿仔炸麵粉，上面黐滿砂糖，以前香港嘅酒樓或者茶餐廳都食得到。月前心血來潮，忽然好想食番，但走勻好多地方都搵唔到；點知過到德國，前晚竟然喺麵包店見到，即刻買咗兩個當晚餐。佢個樣雖然唔似，但味道幾乎一樣，仲要每個唔使3蚊港紙，𠵱家每日唔食番幾個都唔安樂。
朱冠恆
肩負現場直擊畀料重任，無論你當我名家抑或明燈，都希望交到功課。
