成龍、鄭希怡（Yumiko）、容祖兒、林子祥（Lam）、黃耀明和楊受成昨日在上海出席上海上影英皇文化發展公司成立記者會，曾被指為龍嫂的Yumiko與成龍碰面時，絲毫沒有尷尬，二人還主動跟對方面貼面打招呼，相當熱情。
廁所當睡房
眾星原來乘坐贊助的私人飛機到上海，Yumiko還擺了烏龍，將廁所當成是睡房，她說：「個馬桶原來要揭開張梳化先見到，所以我先誤會咗。」由於Yumiko的父親在上海居住，適逢昨日是父親節，她便抽空探望父親，Yumiko說：「我已經同公司請咗兩日假返去探老爹，佢話我今晚難得返嚟食飯，會親自下廚煮啲好嘢畀我食。」
上周五是容祖兒的26歲生日，她說：「生日當日我同公司攞咗一日假休息，因為我好耐冇放過假。噚日就同Mani（經理人霍汶希）嚟上海，點知坐車去機場時，車尾箱啲行李忽然跌咗喺條馬路度，搞到我哋要停車執番啲行李，真狼狽。」
採訪、攝影：葉雪
