上周六意大利對美國場分組賽，真係睇到我判官熱血沸騰，兩隊好多球員都唔收腳，鏟到對手飛起攞埋紅牌先至安樂。意軍中場迪羅斯都有份做「紅牌亞姑」，不過佢唔係鏟人，係一踭批落美國前鋒麥比迪塊面到，搞到呢位今日34歲生日嘅老將血流披面，仲要出場縫足3針。但係睇見麥比迪縫完針都面不改容繼續上場搏殺，就知美國人嘅打不死精神有幾咁勁！