唔知係咪滙豐嘅公司文化──新官上任要有三把火，咁先顯得夠威勢，連上月底離開滙豐控股嘅龐約翰都感染咗？他一加盟英國電訊商Vodafone出任董事會主席，就即刻傳出要炒人嘅消息。
據英國《星期日電訊報》報道，龐主席會仔細睇過Vodafone嘅高層人員架構，如果發現一啲缺乏改善公司經營技能嘅人，就好可能會同佢哋講拜拜。
據該報道話，龐主席主要聘請顧問公司做上述嘅人手檢討，呢一招正正係以前喺滙豐用開，可能見有效，於是一上任就諗住照做。
Vodafone喺倫敦嘅股價近半年都唔算好，同滙控冇得揮，搞到Vodafone在新球季都唔再繼續贊助曼聯。睇嚟龐主席除咗郁人，都要諗吓計至得。