愈嚟愈少露面嘅朱茵，前日傍晚6點鐘同女助手去咗中環IFC逛街街，唔知係咪因為同男友黃貫中（Paul）墮愛河墮得太投入，34歲嘅朱茵真係有啲日久失修，連35D勁爆上圍嘅性感女神搵食架生都保唔住，一雙巨胸係咁向下沉。
肚腩仔現形
當日朱茵着住白色T恤，襯件開胸背心同三個骨褲，踢住拖行咗去IFC入面嘅city'super超級市場，雖然佢嘅打扮唔算性感，但胸部依然勁凸，可惜敵不過歲月洗禮，朱茵嘅胸部明顯下墜，而且仲有啲肚腩仔㖭。
朱茵唔勤力keepfit就梗係會走樣，現場見佢喺超市狂掃糖果、薯片等小食，糖份同卡路里都超高，咁食法梗有肚腩啦！後尾朱茵行出超市撞見記者，都對鏡頭揮手示好，仲主動同記者講：「我啱啱拍緊戲，趁中間休息出嚟買嘢食，陣間要再去拍。」
嘩！拍戲中段都食唔停口，朱茵小心唔覺唔覺變咗肥妹胡杏兒呀！
