廖啟智一家是虔誠基督徒，他昨日與太太陳敏兒及兩個兒子到長沙灣恩福堂出席分享會，馮寶寶也有出席。智叔與教友們分享他已過身的小兒子諾諾的一生，其中播出智叔與陳敏兒帶着兒子一家人旅遊的片段，智叔講述兒子在生時患病、康復及病情復發的過程，令父親節倍添傷感。
半夜嚎哭
智叔在片段中說：「我習慣每一晚都半夜起身幫啲仔冚被，諾諾過身第二晚，我起身去幫仔冚被，見到個仔已經唔喺度，我忍唔住嘩一聲喊咗出嚟，老婆同兩個仔走晒過嚟攬住我，第二仔話我：『你喊乜啫，呢度年紀最大係你，你可以最快見到諾諾㗎。』」智叔謂很期待在天國與小兒子相聚，現場的氣氛傷感。
採訪、攝影：胡比