你覺得開3輪車是小朋友的專利？我想如果還有這種想法，真的有點落伍，看看新登場的PGOTR3150跟PiaggioMP3在市場嘅反應便可略知一二；到最近又話有新款3輪車出現喎，係咩？咪係全人手做嘅CarverOne囉！
單從外表看來，CarverOne係1部走年輕化路線嘅3輪車，你既可說它是部Fairing電單車，又可以說它是部有型有款嘅飛機，皆因它的造型是以流線型設計，正面看去還有幾分霸氣；但最正斗都係佢掟彎嗰陣，懸掛設定令車廂像抽獎箱一樣左擺右擺，好得意喎。至於車廂，以雙座位形式出現，2位乘客都可以享受到闊落嘅乘坐空間，而跑車化的金屬裝飾，也是叫人着迷的地方。
引擎配搭是1台659c.c.4汽缸Turbo引擎，馬力及扭力輸出達68bhp/6,000rpm和74lb-ft/3,200rpm，波箱則是1套附有後波的5前速手動波箱，難怪車子0至100公里只係8.2秒咁快啦！
記者：鄭達基
