多哥上場對住南韓，如果唔係踢少一人，加上兩個世界波嘅話，賽果可能會改寫。成場波多哥嘅表現相當唔錯，反擊速度快，17號仔穆罕默德卡達爆發力同速度相當之高，亦都係陣中入球最多嘅球員，上場對南韓就係憑住佢嘅入球領先。
阿歷山大費爾失準
睇過好多支球隊喺第1輪比賽表現唔對辦，去到第2輪就特別醒神，好似加納、安哥拉同美國等就係最好嘅例子。
瑞士上場悶和法國0:0，表現只屬一般，射手阿歷山大費爾把握力認真麻麻，經常錯失良機，如果唔係法國踢得差，瑞士應該會輸波。
筆者睇過兩隊上場嘅表現，個人認為今次瑞士未必讓得起多哥，今場一於揀「讓球主客和」嘅「主勝」。
非洲新軍表現差勁
個人另一場嘅心水推介係西班牙對突尼西亞。
西班牙上場對住防守力唔錯嘅烏克蘭，都可以大勝4:0，表現認真對辦；相反突尼西亞上場對住實力麻麻嘅沙地阿拉伯，都只能夠迫和對手，表現認真差勁。
既然突尼西亞對住沙地阿拉伯都要失兩球，今場面對攻力強勁嘅西班牙，真係輸少當贏。一於揀「讓球主客和」嘅「主勝」。
陳樹鵬（阿鵬）
有線球彩台主持
電郵：[email protected]