今日我揀西班牙對突尼西亞一戰同大家研究吓。先講西班牙，佢哋喺第一場分組賽以狂風掃落葉嘅姿態，以4:0贏咗同組出線嘅熱門烏克蘭，表現絕對令人驚喜。其實佢哋前中後三線極為平均，後防有佩奧爾在陣，仲有罰球專家佩尼亞；中場方面，有搶截能力強勁嘅辛拿作為後防第一度屏障，前鋒收起褪色金童魯爾，用速度同狀態都fit嘅韋拿，令到攻力更為強勁，同組任何球隊都難以抵擋！
佢哋贏烏克蘭之後，已經保23場不敗，呢道氣絕對唔簡單；假如今場贏波後手執6分，出線呼聲高唱入雲。所以戰意毋庸置疑，今場波全取3分應該冇問題！
攻守俱差癥結所在
突尼西亞喺首仗面對沙地阿拉伯，只能夠用「失望」2字形容。估唔到球隊喺領先一球嘅情況下，竟然越踢越沉。喺中場搶截上，不斷搶輸畀對手，更曾一度被對手反超前。
從上仗睇，突尼西亞「攻不銳，守不穩」，要喺今場面對首仗已踢到曉飛嘅西班牙，戰情會係點樣？唔駛問，梗係捧西班牙啦！
阿占有線球彩台《06世界BAR》主持
今日播映時間：7:00pm-5:30pm
PHONE波熱線：1831567