蒙嘉慧（圖）、林文龍同顧紀筠噚日到將軍澳電視廣播城錄影節目《百法百眾》，蒙嘉慧話身邊不乏法律界朋友，不過好少問佢哋關於法律嘅問題，佢話：「我對法律只係識少少，平時都好少請教朋友，呢方面梗係可免則免喇。」林文龍向來都有投資買賣樓宇，問佢係咪好了解投資嘅法律常識，林文龍話：「我都想知多少少，雖然本身都有投資，咁知多啲對自己都好有幫助。」