肥龍同老婆大人以及三數老友包括任總去咗日本聽歌劇，同行聽講仲有周德熙同黃英琦。佢哋以前真係好老死，後來就好似冇咁close。
不過，唔緊要，各有各精采。許太好開心，終於許老爺有假放，一個星期都好過冇。今日就要開工，冇得再wet。肥龍𠵱家好重要㗎，佢一行開，行會差唔多放大假，你話幾有影響力。
最近周街都話肥龍會再留任，因為搵唔到CS理想人選，都係佢最fit喎。肥龍身體一啲都唔fit，但係佢個腦就好fit，有佢幫手度橋，煲呔唔使咁傷神。當然許太一定唔肯放人，肥龍自己都唔想多留，肥龍之友話，只有一個情況會令肥龍回心轉意，就係北京要佢留，如果阿爺，即係胡溫同大曾親自出馬游說，情況可能有變，大家姑且睇吓佢老哥幾時上京，就大概有答案喇。
傳真︰2623-9278
電郵︰[email protected]