【本報訊】汽車交通運輸業總工會旗下三個巴士分會上周五事先張揚今日採取慢駛行動，事隔兩日，工會再宣布工業行動三部曲，有工會人士揚言，今次行動是「盡地一煲」，希望以快打慢，迫使巴士公司回應員工加薪訴求。「慢駛殺傷力唔係好大，但可以顯示實力，」另一名工會核心成員分析，有信心三巴本周三前會讓步。「我哋其實一早已部署好成套計劃，未必要去到罷駛呢步。」
「唔加薪一定罷駛」
多名汽總核心成員表示，不少員工對巴士公司錄得巨額盈利仍然凍結薪金表示非常不滿，並且認為「如果今年經濟咁好都唔加，以後唔使旨意有得加」，促使工會今次「終極晒冷」行動。有汽總成員憤言：「如果我哋要玩嘢，聽日（今日）已經可以搞罷駛，我哋畀時間資方，已經顯示我哋嘅誠意，如果佢哋依然唔肯加薪，我哋一定企硬，星期三一定罷駛。」
據了解，在今次加薪談判中，城巴及新巴最初都願意調高員工薪金，但在最後拍板關頭前，新巴、城巴卻跟隨九巴凍薪的決定，結果激怒工會。有多次與九巴管理層談判經驗的工會人士表示，九巴一向與員工有商有量，但今年在薪酬調整問題態度強硬，「都唔知陳祖澤（九巴董事長）乜嘢葫蘆賣乜嘢藥。」該人士分析指，三巴在加薪問題上「互扯貓尾」，因此工會決定同樣以聯合工業行動，以牙還牙。
汽總是左派工聯會的屬會，該會在今次加薪談判問題上由過往的溫和轉為激烈，並且愈戰愈勇，工聯會立法會議員鄺志堅回應說，「工會一路都肯傾，只係巴士公司態度太強硬，我哋唔做嘢唔得」。他指出，工聯會一向採取的策略是先溫和後激烈，「如果用溫和行動示警，對方都唔show（理會）你，咪升級囉。」
以往溫和 會員不滿
據悉，汽總今次發起激烈行動，除了要向資方還以顏色外，同時希望藉此挽回會員的信心，原因是工會過去的溫和態度已惹起部份會員微言。