林敏驄近日幾乎晚晚到仇家李克勤主持的無綫世界盃節目任嘉賓，前晚林敏驄終於消失於節目中，克勤與林尚義對此表現冷淡，克勤好友陳百祥（阿叻）則致電到節目明寸林敏驄說：「講嘢要有節制，好笑還好笑，所以今日唔見林敏驄啦。」而監製也否認林敏驄是簽約嘉賓，更指若嘉賓欲上節目，最好事先知會。
林敏驄近日幾乎晚晚以嘉賓身份出席無綫節目《頂CUP世界盃晚晚有德FUN》，瘋言亂語掀起連串是非，與李克勤的積怨浮上枱面，大前晚林敏驄與伍晃榮分別就取笑患有肌肉萎縮症的世界級物理學家霍金公開道歉後，克勤及伍晃榮等前晚如常主持節目，但已不見林敏驄蹤影。
克勤好友陳百祥在節目播影期間致電克勤，他寸林敏驄說：「今年啲波好睇，兩個阿叔一齊講波，睇新聞唔見咗伍晃榮，睇番佢唔知幾過癮，尤其係講嘢要有節制，好笑還好笑，所以今日唔見林敏驄啦。」克勤聞言制止道：「我哋唔好講呢啲呀，叻哥！」
只做兩個禮拜
記者要求克勤接受訪問，他即搖頭歎息道：「唉，呢兩日仲唔夠咩？真係時運低，其他人嘅嘢我真係唔想再講，好彩英格蘭贏波。」克勤又謂：「我要事先聲明，我做呢個節目嘅一星期前，已同TVB講好只做兩個禮拜，到時大家唔好話我因為今次單嘢唔做去睇波。」
預約安排座位
監製李漢源說：「克勤做啤酒代言人，一早應承咗要帶球迷去睇波。」至於林敏驄對外表示自己簽約做兩星期嘉賓主持，李漢源說：「唔係，冇啲咁嘅事，佢有打過畀我問可唔可以隨時上嚟，我話歡迎，不過邊個上嚟都要預先講，因為廠嘅位置有限，我要安排座位。」
記者問為何不見林敏驄及提到講波講出是非一事時，林尚義說：「我唔理，鍾意寫乜就寫乜囉，我冇唔開心，我最開心巴士阿叔單嘢。」阿叔又謂沒有不滿克勤，他說：「佢有進步，顧全大局引啲嘉賓開口講嘢，做得好過上一屆。」
採訪：李珮洳 攝影：仇志德
