亞視重頭劇《義無反顧》邀請了八年沒有拍劇的葉德嫻參與演出，葉德嫻先跟亞視約法三章，首要條件是要有充足休息時間，葉德嫻更指摘無綫機制差兼不人道，演員缺乏休息時間，直指當年周潤發、鄭少秋都是因為在無綫日做夜做而捱到殘！
亞視開拍的四十集長劇《義無反顧》，昨日舉行開鏡拜神儀式，除了招攬不少外援如譚耀文、郭藹明、劉愷威、曾江等人之外，更邀請了葉德嫻再度出山。
已經相隔八年沒有拍劇的葉德嫻說：「隔咗咁多年，初初都有啲緊張，驚自己唔慣，𠵱家開咗工幾日，都跟得到。」
葉德嫻答應亞視出山，首要條件是要有充足休息時間，她說：「係呀！我同亞視約法三章，一定要有休息時間，好似TVB咁，分日夜班，人有人做，機器有機器做，冇得唞，個機制幾差，秋官（鄭少秋）同發仔（周潤發）都係咁做到殘晒！咁樣好易患上肝病，一患上肝病就可能一世好唔番，有乜嘢重要過生命同健康，做殘一個人真係好冇人道。」
講電話罰錢
以往跟葉德嫻合作過的人，都知道拍劇期間要嚴守她定下的規條，譚耀文對此說：「之前合作過，都已經知道佢唔畀人講粗口、拍劇唔准開電話、唔准唔背稿，記得有一次俾佢見到我食煙，就罰我請食飯，佢一叫就叫三圍枱。又試過有人拍劇電話響，嗰時罰200蚊，咁多年後我諗要升到罰700蚊。」
在該劇中，譚耀文跟劉愷威、劉綽琪發展三角戀，譚耀文跟劉綽琪更會有一場大膽激情的床上戲，他說：「𠵱家要設計到可以喺電視尺度內播出，戲入面話我係一個處男，畫面上仲要拍到我啲肌肉會跳。」
採訪：楊潔雯 攝影：陳志嵐
