爆、爆、爆！今屆世界盃雖然初段上盤熱W當道，不過打到上周六終於爆出冷W，加納2:0擊敗捷克，取得非洲第一W，今日又有非洲兵突尼西亞登場，但如果認為突尼西亞可以再爆就真係一廂情願嘅諗法。
唔好話小弟馬後炮，加納爆冷贏波都有迹可尋，講真加納第一仗輸畀意大利，只係輸經驗，球員又壓唔住火亂咁踢人，根本冇隊形；第二場加納終於叫做打得定番啲，無窮活力更加將捷克比下去，贏波絕唔係符碌。
不過今仗睇番突尼西亞對西班牙，突尼西亞根本唔係西非加納、科特迪瓦等體力型踢法，反而係北非類型，好似摩洛哥、埃及咁，崇尚小組進攻，睇突軍用法籍教練拿美爾就知啦，所以唔好將突尼西亞同加納混為一談。
講小組戰，西班牙認呢個世界第二，恐怕只有南美嘅巴西同阿根廷敢認第一；教練阿拉干尼斯大膽將巴塞隆拿4-3-3陣式轉移到西班牙身上，3位中場沙維、沙比阿朗素同辛拿，攻守兼備。小組戰對碰，點都揀隊大哥級啦，仲要留意，西班牙全隊都十分當打，連老態嘅魯爾都擺喺後備席，所以絕不擔心西班牙會步捷克後塵，打第二場就「莫」氣，今場西班牙贏2球無問題，讓球主客和「主勝」必捧。
沙地有前冇後博「大」霧
另外再推介條2串1畀大家：頭場多哥對瑞士，瑞士嘅把握力真係差到無人有，阿歷山大費爾可以離門3碼射空門都唔入，今仗對住打少一個先失2球畀南韓嘅多哥，俾盡你都係贏1:0，1.5倍Ｗ算穩；沙地對烏克蘭個場就要吼「大」，烏克蘭今場唔贏就差唔多執包袱，沙地為獎金，又好似有前冇後，打死罷就，兩隊有戰意，串埋1.92倍大波。
文：牽牛