有時跟朋友行街Shopping，差不多每次都會順道食飯睇戲，搞到淨係停車場費都要百多元，認真重皮；所以我決定由今日開始至6月30日，若果再同班Friend出街的話，都會將部車泊喺牛頭角淘大商場停車場；點解？因為我部車嘅車牌係6字行頭囉！因為只要你部車嘅車牌係6字行頭，喺11:00am至9:00pm入車的話，毋須在商場作任何消費，即可享3小時免費泊車優惠，另外最重要係不論平日或假日，都可以享有呢個優惠，係咪好着數呢？唔怕話埋你聽，其實太古嘅康怡廣場、山頂廣場、觀塘麗港城商場及旺角家樂坊停車場都有提供這個優惠，咁出街嗰陣就知道將部車泊去邊啦。
記者：鄭達基
查詢：恒隆地產（27758111）