之前被指破壞港姐形象嘅徐子珊，最後雖然冇俾無綫雪藏，反而喺新劇《突圍行動》做女主角，前晚佢仲去將軍澳電視廣播城為該劇開工，但竟然唔小心俾門撞到，最後送咗去醫院睇急症，噚日子珊接受電話訪問時話𠵱家塊面仲腫，醫生同佢打咗支破傷風針，問到佢怕唔怕破相，子珊話：「都有少少擔心，因為當時都好痛。」監製仲好好咁叫佢休息幾日先開工。